روستای دژن ( دژن  ) هه ورامان  - کردی

وه هار فه سلیوه ن نه چوار فه سلی سال    *  به ئامایش شه مال که رو گرمو قال

وه ختی زه لانش شکست دا په نه              *     مه بو پادشا جه سه ر تخته نه 

ته بیعه ت جه شه وق سو لتان تازه            *      شادی و زه وقشه ن به بی اندازه

په ری نیشان دای شادی و شورشان         *   ده شت و کو و که مه ر زمورود پوشان

شکوفه ی ره نگ سور جه سه رو شاخا    *     وه نه وشه ی مل که ج جه دلی باخا

سوسه نی وه ش بو به رزه ده ماخا          *     بی ینی مه رهه م بی کونه ئاخا

ئینه نیشانه ی ئامای وه هاره ن               *      وه خت ته قالاو ته لاش و کاره ن

جه دیهاته نه خو کار مه خیزیو                  *       ئیتر دیهاتی یانه ش مه بیزیو

سوح تا ویره گه ئی یالو ئه و یال               *    چه نی ره فیقان هم چه نی هم سال

پیژو کو قنه ر به ر مارا جه خاک                *    سینه و زه مینی مه که را چاک چاک

گوششان به نغمه و سینه زه رداوه           *   تا کو ویره گه نه وازش داوه

دوکله ریسیچ خو به ئاهنگی وه ش           *   حه ر تاوی له قی مه گیرو باوه ش

 ئاییچ ئینه یه وه زیفه زانوو                      *    ئا ماو وه هاری جه گوش مه وانوو

هاژه ی شه تاواو سه و زی سه ر به نه ن  *    خه م و په ژاره جه دل هور که نه ن

هه ر که س فرسه تش غه نیمه ت زانا      *     هه م مه بو عارف هه م مه بو زانا

چو نکه ته فه کور جه لی ته بیعه ت          *       عاقل مه که رو پور جه معرفه ت

وه هار نمونه ی روی قیامه ته ن               *       زینه که ره وه ی باخ و درخته ن

جه خاکی تیره و سه ردو زمسانان           *    سه ر ئاورده ن به ر چه ن جور گورالان

هه ر کام به رنگو عه ترو بو ویشان            *      جه روی خاکه وه وی مه دا نیشان

مه خلوقات مه شو جه وه شی وه هار     *           به یاگی بارا شوکری کردگار